माझी मी ......

अनेकदा मी माझ्याच पाऊलखुणा पुन्हा पुन्हा शोधत राहते

त्याच जुन्या वळणांवर आठवणी नव्याने जागवू पाहते ||

अनेकदा मी मलाच विसरू पाहते

अन श्वासांची गणिते मांडत राहते ||

अनेकदा मी साधं सरळ सोपं जगायचं नाकारू जाते 

अन याच जन्मी पुन्हा नव्याने रुजू पाहते ||

तुझं आकाश

तुझं आकाश माझ्या डोळ्यांपेक्षा वेगळं असतं का?
आकाशात बुडून जाताना तुला घड्याळ दिसतं का?
दोघं सोबत असता काळ थांबतो आपल्यासाठी
दोघांखेरीज बाकी जगही असतं, सांग हे तुला कधी स्मरतं का?

आठवणी

युगे सरली आहेत तुला आठवताना

पण हल्ली मी तुला आठवतच नाही

सारं काही आता पुसट होत चाललंय

कारण माझया मनाचं सारं अवकाशच तू व्यापलयस

मनातलं गाणं

प्रत्येकाच्या मनात एक गाणं असतं
प्रत्येकाच्या स्वप्नातलं एक गाव असतं
स्वप्नातील गावाची वाट काही संपत नाही
मनातलं गाणं ओठी येण्यासाठी सच्चे सूर लागत नाहीत

नाही भीती मला काळ्या ढगांची

नाही बरसणार्‍या धारान्ची ||

काळजी मला ओढ घेणार्‍या पावलान्ची

बहकणार्‍या वेड्या मनाची ||

वेड्या मना

वेड्या मनाची तरहाच काही निराळी

सुखे आनंदे भरता आणी डोळा माझया पाणी ||

दु:खाला मी कवेत घेऊ पाहता

मनी काळे ढग आणि कोरडीच तळी ||

आठवणी

तुझया आठवणींचा मनात एकच एक गलका

त्यातच डोळ्यातही बघ पाऊस हलका हलका

तुझया आठवणींना येऊ नका सांगणं म्हणजे

वसंतात बहाव्याला फूलू नको अस सांगणं

रिमझिमता पाऊस

त्याला आवडतात दाटून आलेले ढग

आणि बरसणारा पाऊस इतके की

सारे ढग आता माझया मनात

आणि रिमझिमता पाऊस माझया डोळ्यात