Monday, April 21, 2014

नाते तिचे अन माझे

आपल्यात इतके गहिरे नाते नव्हतेच कधी 
तरीही  सुखी होतो आपापल्या जगात आपण दोघी 
ओळख होती फार पूर्वी पासूनची तुझी 
मलाच कधी इतकी ओढ वाटली मात्र नव्हती  

तुझ्या  नावासरशी समोर येतात अनेक दिग्गज नावे  
यांच्याशी नाते जोडल्यावर तू दुसऱ्या कोणाकडे का पाहावे?
आवडले नव्हते मला कधीच तुझे  मुक्त जगणे 
मुक्त कसले केविलवाणी धडपड ती 
रोजच्या जगण्याला दिवसाच्या चोवीस मात्रात बसवण्याची 

तुला अशी दूर ठेवता ठेवता,
नकळता डोकावू लागली आहेस मनात 
रुजत चालली आहेस कुठेतरी खोलवर काळजात 
आजकाल दिवसरात्र सोबत असतेस,
माझे क्षण माझ्या ऐवजी तूच जगतेस 
उघड्या डोळ्यांनी पाहते मी सारी धडपड तुझी 
माझ्या प्रत्येक क्षणाला स्वत:शीच बांधून टाकण्याची 
अशीच व्यापून मन माझे  राहशील 
एक दिवस माझी स्वप्नेही तुझीच होऊन जातील

तुझ्या साथीने छोट्या आनंदाचीही व्हावीत चांदणफुले 
आणि हलक्या दु:खानेही उरावे रितेपण कोवळे 
का ग करतेस असे? 
जगू दे ना काही क्षण मला माझ्यासवे 
तुझ्याशिवायही घेता येवू दे 
आयुष्याला मला माझ्या कवेत

4 comments:

  1. अप्रतिम... खूप सुंदर !!!

    ReplyDelete
  2. खूप खूप आभार गं स्वाती आणि या ब्लॉगवर स्वागत!

    ReplyDelete
  3. sorry तुझी हि पोस्ट - कविता उशिरा पाहिल्याबद्दल - पण पुणे सोडले तेंव्हा पासून वेळच मिळत नाहीये. सुंदर कविता - आगे बढो. गेल्या आठवड्यात माझी कविता नव्याने मांडून दाखविली तेंव्हाच जाणवले होते कि हे हि मध्यम तुझे आहे. आधी केल्या असल्यास त्यापण ब्लॉगवर ठेव. अर्थात तुझा ब्लॉग वाचण्याचा माझा अनुशेष खूपच मोठा आहे. पुन्हा कविता मनापासून आवडली.

    ReplyDelete
    Replies
    1. मनापासून धन्यवाद रविदा! पण विचार करतीये स्वत: उत्तम आणि आशयघन कविता कितीतरी पूर्वीपासून करणाऱ्या तुम्हाला या कविता इतक्या का बरे आवडाव्यात? मला मात्र हे शब्दांचे खेळ वाटतात निव्वळ!

      Delete

हा शब्दपट कसा वाटला, मला जरूर कळवा. आपल्या प्रतिक्रियाच मला लिहिते ठेवतील. या आपल्या प्रतिक्रियेबद्दल मनापासून आभार!